أختبار فى اللغة العربية الحديثة ( للمصريين فقط )

السؤال الاول .............. التعبير:-
أكتب مالايقل عن 650 سطرا فى احد الموضوعات التالية :
* لم يجد الطفل غير الشارع ملجأ نظرا لحالة البلد الهباب .. فأتجه الى السرقة والقتل والحشيش .. حتى نال جزاءه وقبض عليه متلبسا بباكتة بانجو .. اكتب قصته مع تسليم الحرز للباشا مراقب اللجنة .
* شهد بلدنا الحبيب نهضة فى مجال التشييد والبناء وخصوصا بعد وصول سعر الحديد الى 6500 جنيه للطن .... اكتب ما يمليه عليك ضميرك على أن يبدأ موضوعك بعبارة أنا بأشتغل فى حديد عز ...
ــــــــــــــــــــــــــــــــــــــــــــــــــــــــــــــــــــــــــــــــــــــــ
السؤال الثانى ......... القصة :-
من قصة ( وعهد الله ما أنت داخل الأنتخابات ) .... أقرأ القطعة وأجب عن الأتى :-
( ثم أتى اليه وضربه بالجزمة وقال : أنت عايز تترشح فى الأنتخابات يا معفن ؟ دانت عايز معجزة ..مش كفاية بتاكلوا لحمة ومستورين ..عايزين ايه تانى ؟ )
- ما هى اللحمة ؟ أو على الاقل حدد أقرب معنى خيالى لها ؟
- مرادف معجزة فى اللغة تغيير وزارى - زيادة المرتبات - رغيف العيش ) أختر الاجابة الصحيحة من بين الأقواس.
ــــــــــــــــــــــــــــــــــــــــــــــــــــــــــــــــــــــــــــ
السؤال الثالث.......... النحو:-
* أعرب ما تحته خط ... لو ما لقيتش القطعة أصلا ... أتصرف .
* ذهب الرئيس الى المؤتمر .... ضع الجملة السابقة فى صيغة المثنى .. ما عدا الرئيس طبعا ....
* كان ممدوح أسماعيل قاتلا .........
ضع ان مكان كان .... على ألا تنصب ممدوح .. عشان هوه بينصب لوحده.
___________________________
السؤال الرابع......... الخط:-
* كوز المحبة انخرم ... طرطش على كمى .. يا حبيبى بطل جفا وأرحم عذاب أمى .
أكتب الجملة السابقة ثلاث مرات بثلاثة خطوط .... موبينيل وفودافون وأتصالات ... كما يمكن التحويل لخط أخر بنفس الرقم ... فقط أتصل بخدمة العملاء .......
أنتهى الأمتحان ..... لمـــــــــوا الكراريس.....